Во тригонометријата се користат техниките што студентите предходно ги научиле при изучување на алгебрата и геометријата. Изучените тригонометриски функции почесто се дефинираат геометриски отколку со помош на алгебарски равенки. Усвојувањето на овие функции и способноста за.кажување на основните идентитети поврзани со нив се од особено значење за студентите кои треба да ја изучуваат математичката анализа, современите математички области, физиката и другите научни области и техничките студии.

ТГ.1.0 Студентиите го усвојуваат поимот за агол и начинот на мерење на агли, и во степени и во радијани. Тие можат да претвораат од степени во радијани.

ТГ.2.0 Студентите ја усвојуваат дефиницијата за синус и косинус како y- и x- координати на точките од единичната кружница и се запознаваат со графиците на синусна и косинусна функција.

ТГ.3.0 Студентите го знаат идентитетот cos²(x) + sin²(x) = 1 .

ТГ.3.1 Студентите докажуваат дека овој идентите е еквивалентен со Питагоровата теорема (т.е. можат да го докажат овој идентитет користејќи ја Питагоровата теорема, и обратно, можат да ја изведат Питагоровата теорема како последица на овој идентитет).

ТГ.3.2 Студентите докажуваат други тригонометриски идентитети или поедноставуваат некои од нив со помош на идентитетот cos²(x) + sin²(x) = 1. На пример, студентите го користат овој идентитет за да покажат дека sec²(x) = tan²(x)+ 1.

ТГ.4.0 Студентите ги цртаат графиците на функциите од облик f(t) = A sin (Bt + C) или f(t) = A cos (Bt + C ) и ги интерпретираат A , B , и C во термини на ампитуда, фреквенција, период и фазно поместување.

ТГ.5.0 Студентите ги знаат дефинициите на функциите тангенс и котангенс и можат да ги нацртаат нивните графици.

ТГ.6.0 Студентите ги знаат дефинициите на функциите секанс и косеканс и можат да ги нацртаат нивните графици.

ТГ.7.0 Студентите знаат дека тангенсот од аголот што дадена права го образува со x - оската е еднаков на наклонот (или коефициентот на правец) на правата.

ТГ.8.0 Студентите ги знаат дефинициите на инверзните тригонометриски функции и можат да ги нацртаат нивните графици.

ТГ.9.0 Студентите рачно ги пресметуваат вредностите на тригонометриските функции и нивните инверзните функции во различни стандардни точки.

ТГ.10.0 Студентите покажуваат разбирање на адиционите формули за синус и косинус и нивните докази и можат да ги користат овие формули за доказ и/или поедноставување на други тригонометриски идентитети.

ТГ.11.0 Студентите демонстрираат разбирање на формулите за синус и косинус од преполовен и удвоен агол и можат да ги користат овие формули за доказ и/или поедноставување на други тригонометриски идентитети.

ТГ.12.0 Студентите ја користат тригонометријата за определување на непознати страни и агли кај правоаголен триаголник.

ТГ.13.0 Студентите ја знаат синусна и косинусна теорема и ги применуваат овие теореми за решавање на проблеми.

ТГ.14.0 Студентите определуваат површина на триаголник за кој се познати еден агол и двете прилегнати страни.

ТГ.15.0 Студентите се запознаваат со поларните координати. Специјално, тие можат да ги определат поларните координати на точка дадена во правоаголен координатен систем и обратно.

ТГ.16.0 Студентите ги претвораат равенките дадени во правоаголни координати во термини на поларни координати.

ТГ.17.0 Студентите се запознаваат со комплексните броеви. Тие можат да претстават комплексен број во поларна форма и да вршат можење на комплексни броеви дадени во поларна форма.

ТГ.18.0 Студентите ја знаат DeMoivre-овата теорема и можат да ги пресметаат n-тите корени на комплексен број деден во поларна форма.